नेपालगन्ज : अभिनेता पल शाह नेपालगन्ज आइपुगेका छन्। उनी फिल्म ‘पुजार सार्की’को मोफसल प्रमोसनको लागि आज शनिबार नेपालगन्ज आइपुगेका हुन्। पलसँगै निर्देशक दिनेश राउत, मिडिया कोर्डिनेटर जीवन पराजुली लगायतको टिम पनि नेपालगन्ज आइपुगेको छ।
पलले आज दिनभर नेपालगन्जको सिने रोयल र क्युएफएक्स बागेश्वरीका दर्शकहरुसँग भेटघाट गर्नेछन्। काठमाडौंका हलहरुमा दर्शकसँग भेट्दै फिल्मको प्रतिक्रिया लिएका पलले अब मोफसलका दर्शकहरुसँग साक्षात्कार गर्नेछन्।
आज नेपालगन्जका हलहरु भिजिट गरेपछि पलसहितको टिम भोलि आइतबार दाङ र पर्सि सोमबार धनगढी पुग्नेछन्। यतिबेला ‘पुजार सार्की’ले हलमा राम्रो व्यापार गरिरहेको छ।
