काठमाडौं : नेपाली सांगीतिक क्षेत्रमा एउटा राम्रो निर्देशकको रुपमा आफ्नो पहिचान बनाउन सफल महिला निर्देशक हुन् बबिता श्रेष्ठ । विगत लामो समयदेखि प्रियसी म्युजिक प्रालि संचालन गरि म्युजिक भिडियो निर्देशनमा होमिएकी बबिता निर्देशित सयौं भिडियो बजारमा छन् ।

प्राय फरक कथा वस्तु समाबेश गरेर म्युजिक भिडियो निर्देशन गर्न रुचाउने बबिता निर्देशित धेरै भिडियोहरु लोकप्रिय पनि छन् । यसैबीच, बबिताले नै निर्देशन गरेको नयाँ म्युजिक भिडियो यतिबेला बजारमा छ। केही दिन अघि रिलिज भएको “माया चोखो छ” बोलको म्युजिक भिडियोलाई पनि दर्शकले रुचाउँदै गईरहेका छन् ।

गीतमा लोकप्रिय गायक पुस्कल शर्मा र विष्णुमाया पौडेलको सुमधुर आवाज रहेको छ। लोकप्रिय गायक तथा सर्जक बिमल डाँगीले संगीत दिएको उक्त गीत महेन्द्र विश्वकर्माले लेखेका हुन् ।

एकदमै मनछुने गीतको भिडियो पनि त्यस्तै उत्कृष्ट बनेको छ। एउटा चोखो प्रेम सम्बन्धमा रहेको जोडी भौगोलिक दुरीका कारण टाढा हुँदा भेट्न नपाएको कथालाई भिडियोमा देखाइएको छ।

भिडियोमा स्माइल धिताल, विष्णुमाया पौडेल र सरिता राजोपाध्याय फिचर्ड छन् । दिपक गिरीले आकर्षक फ्रेममा खिचेको भिडियोलाई मीन रावलले सम्पादन गरेका हुन् । भिडियो प्रियसी म्युजिक प्रालिको अफिसियल युटुब च्यानलबाट रिलिज गरिएको हो। हेर्नुस् भिडियो..