काठमाडौं : कलाकारितासँगै आफ्नो निर्देशकिय क्षमतालाई अघि बढाइरहेका कलाकार हुन् प्रथम क्षेत्री। संगीतलाई असाध्यै प्रेम गर्ने प्रथम पछिल्लो समय म्युजिक भिडियोमै व्यस्त छन्। उनले हालसालै मात्र नयाँ म्युजिक भिडियो बजारमा ल्याएका छन्।

करिब १ हप्ता अघि प्रथमले ‘चुपचाप’ बोलको गीत आफ्नै युट्युब च्यानल मार्फत बजारमा ल्याएका हुन्। गीतमा लोकप्रिय गायिका शान्तिश्री परियारको स्वर रहेको छ भने प्रथम स्वयंले पनि स्वर भरेका छन्।

गीतको शब्द अनि संगीत पनि प्रथमकै हो। शान्तिश्री र प्रथमको स्वर गीतमा मीठो सुनिएको छ। डान्सिङ प्याटर्नमा आधारित छ गीत। गीतसँगै भिडियो पनि उत्कृष्ट बनाइएको छ।

भिडियोमा कलाकार बिना राउत फिचर्ड छिन्। बिनाको जोडीको रुपमा प्रथम छन्। यि दुईको जोडी र डान्सले भिडियो आकर्षक देखिएको छ। भिडियोको निर्देशन पनि प्रथमकै हो। भिडियोलाई दिनेश पराजुलीले खिचेका हुन् भने राकेश दाहालले सम्पादन गरेका हुन्।

यो गीतमा प्रथमले धेरै पाटो एक्लै सम्हालेका छन्। गीतको शब्द, संगीत, स्वर, निर्देशन हुँदै अभिनय पनि आफैले गरेका छन्। उनले निर्वाह गरेका यि सबैकाम उत्कृष्ट छन्। यो कुराबाट के प्रमाणित हुन्छ भने प्रथम बहुमुखी प्रतिभा भएका कलाकार हुन्। उनले यो गीतबाट राम्रै प्रतिक्रिया बटुलेका छन्। अब छिट्टै उनी नयाँ गीतको तयारीमा रहेको बताइएको छ।