काठमाडौं : लोकपप अनि मेलोडियस गीत संगीत मार्फत सांगीतिक क्षेत्रमा फरक पहिचान बनाउन सफल गायक तथा सर्जक हुन् टंक तिमिल्सिना । अरु भन्दा फरक गीत संगीत सृजना अनि गाउन रुचाउने टंकले गाएका सयौं गीत दर्शक स्रोतामाझ लोकप्रिय छन् ।
यसैबीच, टंकको आवाजमा फ़ेरि अर्को नयाँ गीत रिलिज भएको छ। बिहीबार टंक तिमिल्सिनाकै अफिसियल युटुब च्यानलबाट रिलिज भएको गीतमा टंकका अलवा अपेक्षा गिरीको पनि सुमधुर आवाज रहेको छ। गीतमा राम अबिरल बिष्टको शब्द रहेक छ।भने, संगीत अनि अरेन्ज टंक स्वयं आफैंले गरेका छन् । माया प्रेम अनि डान्सिङ प्याटर्नमा आधारित उक्त गीत एकदमै मेलोडियस छ।
गीतको अडियो पक्ष जति बलियो छ, भिडियो पनि त्यतिनै दमदार बनेको छ। भिडियोमा कलाकार दुर्गेश थापा र अलिशा शर्माको आकर्षक अनि दमदार डान्स देख्न सकिन्छ। उनीहरूले भाँचेको ठुम्काले दर्शकको मन जित्ने गर्छ। भिडियोलाई बिक्रम चौहानले निर्देशन गरेका हुन् । प्रकाश खड्काले खिचेको भिडियोलाई मिलन विश्वकर्माले सम्पादन गरेका छन् । हेर्नुस् भिडियो..
