नेपालगन्ज : उपेन्द्र सुब्बा निर्देशित फिल्म ‘मनसरा’ यतिबेला तेस्रो सातामा प्रदर्शन भइरहेको छ। गत वैशाख २१ गतेदेखि प्रदर्शनमा आएको फिल्म आफ्नै रफ्तारमा अघि बढिरहेको छ। फिल्म पर्सि शुक्रबारदेखि चौथो सातामा प्रवेश गर्दैछ।
यता निर्माण टिम भने यतिबेला मोफसलका दर्शकहरुसँग भेटघाट गर्दै हिडिरहेको छ। दर्शकसँग भेट्घाट गर्नेक्रममा टिम आज नेपालगन्ज आइपुगेको छ। टिमले आज १२ बजे क्युएफएक्स बागेश्वरीका दर्शकसँग भेटघाट गरिसकेको छ भने १ बजे सिने रोयलमा पुग्नेछ।
फिल्मका लेखक तथा निर्देशक उपेन्द्र सुब्बा, डिओपी एवम् निर्माता शैलेन्द्र डि कार्की र अभिनेता प्रवीण खतिवडा नेपालगन्ज आएका हुन्।
