काठमाडौं : राजन भुसालको कथा र निर्देशनमा निर्माण हुन लागेको फिल्म ‘एक्टर’को पोखराको छायांकन सकिएको छ। पोखराको छायांकन सकेर सोमबार टिम काठमाडौं आइपुगेको छ।

अब दोस्रो चरण अन्तर्गत काठमाडौंको छायांकन भने केही दिनमै सुरु हुने निर्माता थमन कुमार भण्डारीले जानकारी दिए। दोस्रो चरणको छायांकनको लागि अमेरिकाबाट अभिनेता राजवल्लभ कोइराला पनि छिट्टै नेपाल आउँदैछन्।

फिल्ममा अभिनेता प्रदीप खड्का, अभिनेता राजबल्लभ कोइराला, अभिनेत्री दिव्या रायमाझी र अभिनेत्री आना शर्माको मुख्य भुमिका रहनेछ। त्यसो त, दिव्य देव, सुशील सिटौला, लगायतका कलाकारहरुको पनि फिल्ममा अभिनय रहनेछ।

अदृत फिल्मसको ब्यानरमा निर्माण हुन लागेको यस् फिल्मबाट दिव्याले डेव्यू गर्दैछिन्। फिल्ममा प्रदीपको जोडीको रुपमा दिव्या रहनेछिन्। थमन कुमार भण्डारी निर्माता रहेको फिल्ममा एनिस भुसाल फिल्मको सह- निर्माताको रुपमा रहेका छन्। तोरन क्षेत्री फिल्मका लाइन प्रोड्युसर हुन्।

रोयल भिमसेन (ट्राइडेन्ट कन्सेप्ट)को पोस्टर तथा पब्लिसिटी डिजाइन फिल्ममा रहनेछ। फिल्मलाई नरेन्द्र मैनालीले खिचिरहेका छन्। फिल्मलाई लिएर निर्माण टिम नै निकै उत्साहित रहेको छ। यो फिल्मबाट प्रदीपको छुट्टै किसिमको हाइप बढ्ने विश्वास गरिएको छ।