काठमाडौं : अभिनेता प्रदीप खड्काको मुख्य भूमिका रहने नयाँ फिल्म ‘एक्टर’को शुभ मुहूर्त गरिएको छ। मंगलबार ललितपुर स्थित कार्यविनायक मन्दिरमा फिल्मको शुभ मुहूर्त गरिएको हो।
शुभमुहूर्तमा प्रदीपसँगै अभिनेत्री दिव्या रायमाझी पनि उपस्थित थिइन्। वैदिक विधिद्वारा हवन यज्ञसहित पूजापाठ गरेर निर्माण टिमले फिल्मको शुभमुहूर्त गरेको हो। फिल्मका निर्देशक राजन भुसाल, निर्माता थमन कुमार भण्डारी, अभिनेत्री आना शर्मा, दिव्य देव लगायतको पनि शुभ मुहूर्तमा उपस्तिथि रहेको थियो।
अदृत फिल्मसको ब्यानरमा निर्माण हुन लागेको यस् फिल्मबाट दिव्याले डेव्यू गर्दैछिन्। फिल्ममा प्रदीपको जोडीको रुपमा दिव्या रहनेछिन्। उसो त फिल्ममा अभिनेता राहबल्लभ कोइरालाको पनि अभिनय रहनेछ। एनिस भुसाल र सार्थक केसी फिल्मको सह- निर्माताको रुपमा रहनेछन्।
रोयल भिमसेन (ट्राइडेन्ट कन्सेप्ट)को पोस्टर तथा पब्लिसिटी डिजाइन फिल्ममा रहनेछ। फिल्मलाई नरेन्द्र मैनालीले खिचेछन्। फिल्मलाई लिएर निर्माण टिम नै निकै उत्साहित रहेको छ।
