नेपालगन्ज : विगत लामो समयदेखि नेपाली गीत संगीतमा क्रियाशिल गायक तथा संगीतकार हुन् सन्तोष केसी। आफ्ना हरेक गीतहरुमा पृथकपन दिन रुचाउने सन्तोषको नयाँ गीत रिलिज भएको छ।

मंगलबार रिलिज भएको “पियारु” बोलको गीतमा सन्तोष केसी र कमला पोखरेलको सुमधुर आवाज रहेको छ। गीतमा सुरज गैह्रेको शब्द रहेको छ। त्यस्तै, गीतमा संगीत र थेगो सन्तोषकै रहेको छ। चोखो माया प्रेममा रहेको एक प्रेमिल जोडिको कथालाई गीतमा प्रस्तुत गरिएको छ।

गीत एकदम मेलोडियस छ। सुन्दा जोकोहीको मन गीतले केन्द्रित गर्ने गर्छ। गीतका प्रत्येक शब्द अनि संगीत मन छुने छन् । गीतको अडियो उत्कृष्ट एवम् अब्बल छ।

गीतको अडियोसंगै भिडियो पनि त्यतिकै आकर्षक बनेको छ। भिडियोमा नायिका अनु शाह र मोडल रमेश केसी फिचर्ड छन् । अनु र रमेशको केमिस्ट्री भिडियोमा गजब देखिएको छ। उनीहरूको अभिनय जीवन्त छ।

भिडियोलाई कपिल लामाले निर्देशन गरेका छन् । अजय रेग्मीले आकर्षक फ्रेममा भिडियो खिचेका छन् । त्यस्तै, भिडियोको सम्पादन शिव पौडेलले गरेका हुन् भने रंग संयोजन अमृत चापागाईंले गरेका छन् ।

गीतको भिडियो सन्तोष केसीकै अफिसियल युटुब च्यानलबाट रिलिज गरिएको हो। हेर्नुहोस पूरा भिडियो….