नेपालगन्ज : लोकप्रिय मोडल तथा गायक दुर्गेश थापाको नयाँ गीत सार्वजनिक भएको छ। बिहीवार सार्वजनिक “आलु जस्तो गायक” बोलको गीतमा दुर्गेश थापाको आवाज रहेको छ।

गीतमा चर्चित सर्जक वसन्त थापाको शब्द तथा संगीत रहेको छ। दुर्गेशको बाल्यकालदेखि हालसम्मको कलाकारिता यात्रामा भएका उतारचढावलाई वसन्तले गीतमा उतारेका छन् । गीत सुन्दा, केही हप्ता अगाडि अग्रज गायकको गीत नचिन्दा ट्रोलको सिकार बनेका दुर्गेशले यसै गीत मार्फत जवाफ फर्काएको सहजै अनुमान लगाउन सकिन्छ। गीतको अडियो एकदम धमाकेदार छ।

गीतको अडियो मात्रै नभएर भिडियो पनि त्यतिकै, मात्रामा दमदार बनेको छ। भिडियोमा दुर्गेशको आकर्षक डान्स देख्न सकिन्छ। नेपाली चलचित्रका हिट नायक पल शाह र पुष्प खड्काको आकर्षक डान्स पनि भिडियोमा रहेको छ। मोडल सारिका केसी पनि भिडियोमा फिचर्ड छिन् ।

विभिन्न ट्रोल अनि विवादको सिकारपछि डिप्रेस बनेका दुर्गेशलाई सम्झाउँदै पल र पुष्पले ढाडस दिएको दृश्य भिडियोमा देख्न सकिन्छ।

भिडियोका निर्देशक शिव विक हुन् । अर्जुन तिवारीले आकर्षक फ्रेममा भिडियो खिचेका छन् । त्यस्तै, मिलन बिश्वकर्माले भिडियोलाई सम्पादन गरेका हुन् ।

इनाक्षी इन्टरटेन्मेन्टको प्रस्तुती रहेको गीत इनाक्षीकै अफिसियल युटुब च्यानलबाट सार्वजनिक गरिएको हो। हेर्नुस् भिडियो…