नेपालगन्ज : मेलोडियस गायकको रुपमा स्थापित प्रताप दाशको आवाज रहेको नयाँ गीत सार्वजनिक भएको छ।सार्वजनिक ‘सयौं जुनी’ बोलको गीतमा प्रतापका अलवा लोकप्रिय गायिका अन्जु पन्तको पनि सुमधुर आवाज रहेको छ। गीतमा पूनम मोथेको शब्द र सरोज पोखरेलको संगीत रहेको छ । गीतलाई उदय राज पौडेलले एरेन्ज गरेका हुन् ।
एक प्रेम जोडिको प्रेमिल प्रेमलाई कलात्मक तरिकाले उतारिएको उक्त गीत एकदम मेलोडियस छ। युवा वर्गको ध्यान उक्त गीतले बढी केन्द्रित गर्ने गर्छ। गीतको अडियो पक्ष एकदम अब्बल छ।
गीतक भाव अनुसार भिडियो पनि गजब बनेको छ। निकै आकर्षक तरिकाले भिडियो निर्माण गरिएको छ। भिडियोमा नायिका पुजा शर्मा र नायक आकाश श्रेष्ठ फिचर्ड छन् । उनीहरूको केमिस्ट्री भिडियोमा गजब देखिएको छ। पछील्लो समय उनिहरुको जोडी निकै रुचाइएको छ ।
निकेश खड्काले भिडियोलाई निर्देशन गरेका हुन् । त्यस्तै, बुद्ध थापाले खिचेको भिडियोलाई बिकास धमलाले सम्पादन गरेका हुन् । भिडियो ओएसआर डिजिटलको अफिसियल युटुब च्यानलबाट सार्वजनिक गरिएको हो। हेर्नुस् भिडियो..
