नेपालगन्ज : विगत लामो समयदेखि सन्चारकर्म संगै कलाकारिता क्षेत्रलाई निरन्तरता दिइरहेका चिरञ्जीवी सापकोटा अभिनित पछिल्लो म्युजिक
“हेर यो मुटुमा चिरा पर्या छ” भिडियो यतिबेला चर्चामा छ।
उक्त भिडियोलाई दर्शकले अत्याधिक रुचाइरहेका छन् । भिडियोमा चिरञ्जीवीले गरेको अभिनयलाई यतिबेला धेरैले तारिफ गरिरहेका छन् । दर्शकको राम्रो प्रतिक्रियाले चिरञ्जीवी मख्ख छन् ।
यसैबीच, उनले एउटा नयाँ म्युजिक भिडियोको लागि साइन समेत गरिसकेका छन् । अब आउने “बहिनी” बोलको म्युजिक भिडियोमा आफू फरक अवतार सहित फरक भुमिकामा देखिन लागेको कुरा चिरञ्जीवीले केही दिन अघि मात्रै फेसबुकमा पोस्टर सार्वजनिक गर्दै जानकारी दिएका थिए। पोस्टरमा उनलाई साङ्लोले बेरिएको रुपमा देख्न सकिन्छ। पोस्टर सार्वजनिक भएलगत्तै अब बन्ने म्युजिक भिडियोमा चिरञ्जीवीको अभिनय कस्तो होला भन्ने कौतुहलता यतिबेला दर्शकमा छाएको छ।
पछिल्लो भिडियो “हेर यो मुटुमा चिरा पर्या छ”मा आफ्नो अब्बल अभिनय मार्फत दर्शकको मनमा बसेका उनको काम नयाँ भिडियोमा कस्तो हुने हो ? भन्ने चासो सबैमा परेको छ।
अबको केही दिनमै एस थ्रीके इन्टरटेन्मेन्टको प्रस्तुतिमा सार्वजनिक हुने गीतको अडियो भिडियो निर्माणको काम भइरहेको बताइएको छ। यद्यपि, गीतमा कसको आवाज अनि शब्द संगीत छ, भन्ने कुरा खुलाइएको छैन । भिडियोलाई भने बिक्रम चौहानले निर्देशन गर्दै छन् । निर्माण टिमले फिमेल मोडलको नाम पनि खुलाएको छैन। उक्त म्युजिक भिडियोको परिकल्पना भने सर्जक सतिश अधिकारीले गरेका छन् ।
चिरञ्जीवीको नयाँ म्युजिक भिडियोलाई दर्शकले कत्तिको रुचाउने हुन् , त्यो त सार्वजनिक मिति नै कुर्नुपर्ने हुन्छ। चिरञ्जीवी पनि दर्शकले नयाँ भिडियोलाई कत्तिको रुचाइदिने हुन् भन्ने कुरामा उत्साहित रहेका छन् ।
