बलिउड अभिनेता सञ्जय दत्त उपचारका लागि अमेरिका जानुपर्ने भएपछि बहुप्रतिक्षित फिल्म केजीएफ २ को शुटिङ प्रभावित भएको छ। सञ्जयलाई फोक्सोको क्यान्सर भएको छ। उनलाई उपचारका लागि अमेरिका लगिँदैछ। जसका कारण उनी अभिनित फिल्मको शुटिङ प्रभावित भएको हो।
केजीएफ २ मा सञ्जय खलनायक अधीराको भूमिकामा छन्। सञ्जयको अब तीन दिनको शुटिङ बाँकी छ। जसमा एक्सटेन्सन सीनहरु छन्।
शुटिङ प्रभावित भएपछि फिल्मका निर्माता कार्तिक गौडाले सञ्जयले ३ महिनापछि फेरि शुटिङ सुरु गर्ने बताए। टाइम्स अफ इण्डियासँग कुरा गर्दै गौडाले तीन महिनामा उपचार सकेर सञ्जय फर्किने र फिल्म पुरा गर्ने जानकारी दिए। सञ्जयको टिमसँग आफूले गरिसकेको र सञ्जयसँग पनि आफ्नो दुई अघिमात्रै कुरा भएको उनको भनाई छ।
सञ्जयको ६१ औं जन्मदिनमा केजीएफ २ को फस्ट लुक सार्वजनिक गरिएको थियो। जसमा सञ्जय अधीराको रोलमा देखिएका छन्। उनको लुकको तारिफ भइरहेको छ। केजीएफको पहिलो भाग बक्स अफिसमा हिट भयो।
