नेपालगन्ज : नेपालगन्जमा रहेको क्युएफएक्स सिनेमाज बागेश्वरीले आफ्नो चौथो वर्ष सफलताका साथ पार गरि पाँचौ वर्षमा प्रवेश गरेको छ।
स्थापना कालको चार वर्षमै दर्शकहरुको अत्याधिक मन जित्न सफल क्युएफएक्सले बुधबारबाट आफ्नो पाँचौ वर्षको यात्रा सुरु गरेक हो।अत्याधुनिक प्रविधिले निर्माण भएको उक्त क्युएफएक्समा ३ सय ८५ जना र २ सय ९० जना अटाउने गरि सुबिधा सम्पन्न दुई हलहरु रहेका छन ।
स्वच्छ र सुरक्षीत वातावरण , दर्शकमैत्री कर्मचारी र आरामदायी सिटमा टुके र थ्रीडी क्षमताको पर्दामा सिनेमा हेर्न पाउँदा दर्शकहरू एकदम सन्तुष्ट रहेको क्युएफएक्स टिमले जनाएको छ। नेपालगन्जमा सन २०१६ अगष्ट १२ तारिखको दिन क्युएफएक्सको स्थापना भएको थियो।
