नेपालगन्ज : नेपाली नारीहरुको महान चाडको रुपमा लिइने हरितालिका तीजको अवसर पारेर धेरै गीतहरु बजारमा रिलिज भइरहेका छन् । यसैबीच, नारीहरुको वेदना अनि मर्म समेटिएको तीज गीत हिम सम्झौता डिजिटलले बजारमा ल्याएको छ।

“चेलीको वेदना” बोलको तीज गीतमा लोकप्रिय गायिका टीका सानू र अमृत सापकोटाको सुमधुर आवाज रहेको छ। गीतमा गौतम पोखरेल उत्सवको शब्द अनि अमित बाबू रोकायको संगीत रहेको छ। गीतमा नारीहरुको पिडालाई उठान गरिएको छ।

गीतको अडियोले जति मन छुन्छ त्यतिनै भिडियोले पनि भावुक बनाउने गर्छ। गीतको भाव अनुसार भिडियो निर्माण गरिएको छ। भिडियोका निर्देशक धुर्व हिमाली हुन। लामो समयदेखि अभिनय गर्दै आएका धुर्वले यस भिडियोमा निर्देशकिय पाटो अब्बल तरिकाले निभाएका छन् । धुर्वको निर्देशकिय क्षमता प्रशंसा गर्न योग्य छ।

भिडियोमा टीका सानू, धुर्व हिनाली, खेम बा, प्रेम खड्का र गोमा न्यौपानेको कारुनिक अभिनय देख्न सकिन्छ। वासु बरालले खिचेको भिडियोलाई मनोज कार्कीले सम्पादन गरेका हुन् । भिडियो हिम सम्झौता डिजिटलको अफिसियल युटुब च्यानलबाट रिलिज गरिएको हो। हेर्नुस् भिडियो..