
काठमाडौं : आगामी फागुन २ गतेदेखि प्रदर्शनमा आउन लागेको फिल्म ‘दुखी आत्मा’को जापान राइट्स बिक्री भएको छ। बिहीबार निर्माण टिमले जापानको लागि प्रदर्शन अधिकार बिक्री भएको जानकारी गराएको हो।
अब यो फिल्मलाई जापानभर ‘युना इन्टरटेन्मेन्ट’ले प्रदर्शन गर्नेछ। तर जापानमा कहिलेदेखि फिल्म प्रदर्शन हुन्छ भन्ने कुरा भने खुलाएको छैन। प्रदर्शन अगावै यो फिल्मको प्रदर्शन अधिकार बिक्री भइरहेको छ।
यतिबेला निर्माण टिम भने प्रचारप्रसारको तयारीमा जुटेको छ। केही हप्ता अघि पोस्टर सार्वजनिक गरेको टिम अब अन्य प्रचार सामाग्री सार्वजनिक गर्ने तयारीमा रहेको बताइएको छ। दिपेन्द्र लामाको लेखन र निर्देशन रहेको फिल्म क्लकवर्क कृयसन्सको ब्यानरमा निर्माण भएको हो।
फिल्मलाई हिमाल कडरियाले निर्माण गरेमा हुन्। फिल्ममा दयाहाङ राई, आँचल शर्मा, अनुप बिक्रम शाही, बुद्धि तामाङ, रेयर राई, दिया मास्के लगायतका कलाकारहरुको मुख्य भुमिका रहेको छ। फिल्मलाई लिएर दर्शकहरु निकै उत्साहित रहेका छन्।