
नेपालगन्ज : अब अंग्रेजी वर्ष २०२४ सकिन धेरै दिन छैन। नयाँ वर्ष २०२५ को आगमन हुँदै गर्दा विश्वभर लगायत नेपालमा पनि विविध कार्यक्रमको आयोजना हुँदैछन्। विशेषगरी विभिन्न रेष्टुरेन्ट तथा होटलमा ‘म्युजिकल कन्सर्ट’ आयोजना हुने गर्छन्।
यसैबीच, बाँकेको कोहलपुर स्थित ‘होटल सेन्ट्रल प्लाजा’ले पनि अंग्रेजी नयाँ वर्षको अवसरमा विशेष सांगीतिक कार्यक्रम गर्दैछ। यही डिसेम्बर ३१ मा हुन गईरहेको कार्यक्रममा सुगम संगीतका लोकप्रिय गायक शिव परियार र नेपाल आइडल सिजन ५ का विजेता करण परियारको विशेष प्रस्तुति रहनेछ। शिव र करणले आफ्नो जादुमयी स्वरले माहोल तताउनेछन्।
कार्यक्रमको लागि तयारी यतिबेला अन्तिम चरणमा रहेको बताइएको छ। होटल टिमले कार्यक्रमलाई लिएर विशेष अफर समेत ल्याएको छ। यही २५ तारिकसम्म टिकट खरिद गर्दा १० प्रतिशत छुट दिइने सेन्ट्रल प्लाजाका सेल्स एण्ड मार्केटिङ म्यानेजर गुइल्बर्ट डेनियलले बताए। उनका अनुसार कार्यक्रममा प्रवेश शुल्क १९ सय ९९ रहेको छ। जुन टिकटमा असिमित खानेकुराका साथै वेलकम ड्रीङ्स पनि समावेश गरिएको बताइएको छ।
कोहलपुरको किरण खोला नजिक रहेको उक्त होटलमा आयोजन हुने न्यू इयर इभमा हजारौं दर्शकहरुको उपस्तिथि रहने अपेक्षा गरिएको छ। कार्यक्रमको संचालन ममता थापाले गर्नेछिन्। राष्ट्रिय कलाकारका साथै अन्य ब्याण्डहरुको समेत कार्यक्रममा प्रस्तुति रहनेछ।