काठमाडौं : नेपाली बक्स अफिसमा राम्रो व्यापार गर्न सफल फिल्म ‘पुजार सार्की’का निर्देशक दिनेश राउतको निर्देशनमा नयाँ फिल्म निर्माण हुनेभएको छ।
दिनेशले निर्देशन गर्न लागेको नयाँ फिल्न हो ‘महाभोज’। सोमबार दिनेशले नै आफ्नो सामाजिक संजाल फेसबुकबाट आधिकारिक जानकारी दिएका हुन्। यो फिल्मका निर्माता हिमाल कडरिया हुन्।
फिल्ममा दयाहाङ राई, आर्यन सिग्देल, खगेन्द्र लामिछाने, मिरुना मगर, अञ्जना बराइली, मलिका महत, अनुपविक्रम शाही, बुद्धि तामाङ, कमलमणि नेपाल लगायतका कलाकारहरुको मुख्य भुमिका रहनेछ।
फिल्ममा सर्वसाधारणको जीवन र भरोसामाथि खेलबाड गर्नेहरू विरुद्धको विद्रोही अभियानको कथा रहने बताइएको छ। फिल्म आगामी माघ १ गतेदेखि छायांकनमा जानेछ।
