काठमाडौं : पछिल्लो समय धमाधम एक्सन फिल्महरुको निर्माणसँगै घोषणा हुनेक्रम बढ्दो छ। एक्सन जनरामा बनेका केही फिल्महरु रिलिजको तयारीमा छन्। यसैबीच, अर्को नयाँ एक्सन फिल्मको निर्माण घोषणा गरिएको छ।
मंगलबार एक्सन जनरामा निर्माण हुने फिल्म ‘डिएनए’को पनि घोषणा गरियो। फोनिक फ्लिकको ब्यानरमा निर्माण हुन गईरहेको फिल्मलाई चानस पुन मगर र मणि रत्न त्रिपाठीले संयुक्तरूपमा निर्देशन गर्दैछन्।
पौराणिक एक्सन थ्रिलर शैलीमा निर्माण हुने फिल्मको यतिबेला तयारी व्यापक तरिकाले चलिरहेको छ। आगामी फाल्गुनदेखि छायांकनको तयारीमा रहेको फिल्म बड पिक्चर्स र अन्डर एक्सपोज़ सिनेमासँगको सहकार्यमा निर्माण कार्य अघि बढाइने निर्माण टिमले जनाएको छ।
फिल्मको अन्य जानकारी बिस्तारै सार्वजनिक गर्ने निर्माण टिमको योजना रहेको छ। फिल्ममा पोस्टर तथा पब्लिसिटी डिजाइन ट्राइडेन्ट कन्सेप्टको रहनेछ।
