
काठमाडौं : यही शुक्रबारदेखि प्रदर्शनमा आउन लागेको फिल्म ‘मोदीबेनी’को प्रिमियर गरिएको छ। राजधानीको बिग मुभिजमा निर्माण टिमले भव्य तरिकाले प्रिमियर सम्पन्न गरेको हो।
प्रिमियरमा नेपाली फिल्म क्षेत्रका सेलिब्रेटीहरुको बाक्लो उपस्तिथि रहेको थियो। अभिनेत्री तथा निर्देशक दीपा श्री निरौला, अभिनेता रमेश उप्रेती, निर्माता छविराज ओझा, निर्देशक दिनेश राउत, कलाकार निर्मल शर्मा, अभिनेत्री अन्जना बराइली, अभिनेता तथा निर्देशक शोभित बस्नेत लगायतका दर्जनौं बढी कलाकारहरुको प्रिमियरमा उपस्तिथि रहेको थियो।

उसो त रास्वपाकी नेतृ शोविता गौतम पत्रकार दिलभुषण पाठक, राजिव खत्री लगायतहरु पनि प्रिमियर शोमा आएका थिए। फिल्मलाई प्रिमियरमा राम्रो प्रतिक्रिया मिलेको छ। फिल्ममा अभिनेत्री वर्षा शिवाकोटी र नव अभिनेता अमर प्रताप श्रेष्ठको काम राम्रो भएको भन्दै धेरैले तारिफ समेत गरे। यस् दुईको केमिस्ट्री फिल्ममा गजब देखिएको भन्दै अधिकांश सेलिब्रेटीले फिल्मलाई शुभकामना समेत दिए।
अविश्वसनीय कथामा आधारित रहेको यस् फिल्मले राम्रो व्यापार गर्ने आँकलन गरिएको छ। शङ्कर कोइरालाले निर्देशन गरेको यस फिल्ममा वर्षा सिवाकोटी, अमर प्रताप श्रेष्ठ, सरोज खनाल, प्रवीण खतिवडा, रेजिना उप्रेती, दिलीप केसी, जीवन भट्टराई, कमलमणि नेपाल, स्नेहा भट्टराई, सुब्रतराज आचार्य, अनामिका लामिछाने, पूजन श्रेष्ठ, गोविन्द सुनार, सरोज अर्याल, लविस गर्तौला, सुरेन्द्र बराल, रोजी श्रेष्ठ, हिउवाला गौतम लगायतको अभिनय रहेको छ।

डिनेस्ट इन्टरटेनमेन्टको प्रस्तुतिमा बनेको यो फिल्ममा दिलीप केसी निर्माता र हरि श्रेष्ठ सह निर्माता रहेका छन्। फिल्मलाई आनन्द विक्रम क्षेत्रीले लेखेका छन्। यसमा उत्सव दाहालको छायाङ्कन र भरत रेग्मीको सम्पादन छ। फिल्ममा दीपेन्द्र गौतम (माइकल)को प्रोडक्शन डिजाइन, किरण थापाको कोरियोग्राफी, श्याम बरालको मेकअप, गीता पौडेलको हेयर डिजाइन, भीम श्रेष्ठको ड्रेस डिजाइन र सगुन तामाङको प्रमुख सहायक निर्देशन, शैलेश श्रेष्ठ र रोहित शाक्यको ब्याकग्राउन्ड स्कोर, शैलेश श्रेष्ठको साउन्ड डिजाइन, राजेन्द्र मोक्तानको कलर ग्रेडिङ, समीर मियाँको भिएफएक्स, सन्तोष लामाको कला निर्देशन, राजु तामाङको द्वन्द्व निर्देशन रहेको छ।

ट्राइडेन्ट कन्सेप्टको पोस्टर तथा सोसल मिडिया पब्लिसिटी डिजाइन रहेको गर्ने यस फिल्मलाई रिच इन्टरटेन्मेन्टले काठमाडौं उपत्यका र एफडी कम्पनीले उपत्यका बाहिर वितरण गर्दैछन्।