
काठमाडौं : गायन रियालिटी शो ‘नेपाल आइडल सिजन ५’को उपाधि बर्दियाका करण परियारले जितेका छन्। शनिबार एपिवान टेलिभिजन काठमाडौंको स्टुडियोमा सम्पन्न ग्राण्ड फिनालेमा सर्वाधिक भोट पाएर करणले उपाधि चुम्न सफल भएका हुन्।
फिनालेमा करणसँगै दार्जीलिङका सचिन परियार, पोखराकी सलोमी गुरुङ र दार्जीलिङकै मोहित भुजेलबीच कडा प्रतिस्पर्धा भएको थियो। जसमध्ये करण विजेता बन्दा फर्स्ट रनरअप सलोमी गुरुङ र सेकेन्ड रनरअप हुन सचिन विश्वकर्मा सफल भए।
विजेता करणले नगद २५ लाख पुरस्कारसहित अन्य पुरस्कार हात पारेका छन्। त्यस्तै अन्य विजेताहरुले पनि आकर्षक पुरस्कार प्राप्त गरेका छन्। फाइनल नतिजापछि विजेतालाई यतिबेला सामाजिक संजालमा बधाईको ओइरो आउन थालेको छ।