ज्ञानु संगम खड्का/नेपालगन्ज : नेपाली नारीहरुको महान पर्व हरितालिका तीज नजिकिँदै गर्दा विभिन्न गीत संगीतहरु बजारमा आइरहेका छन् ।
यसैबीच, तीजलाई नै लक्षित गर्दै सार्वजनिक भएको गायिका शान्ता रानी पारियारको तीज गीत छोटो समयमै युट्युबको ट्रेन्डिङमा परेको छ। “आधी बाटो”बोलको गीतमा शान्ता रानी परियार र खेम सेन्चुरीको आवाज रहेको छ। गीतमा नेत्र अर्यालले शब्द लेखेका छन् भने खेम सेन्चुरीले नै संगीत गरेका हुन् ।
गीतको भिडियो पृथ्वी इन्टरटेन्मेन्टको अफिसियल युट्युब च्यानलबाट सार्वजनिक गरिएको थियो। यो समाचार तयार पार्दा राम्रो प्रतिक्रिया पाउँदै गीत युट्युबको ट्रेन्डिङ नम्बर ४२ मा पर्न सफल भएको छ।
बजारमा आइरहेका गीतहरु मध्ये फरक खालको यस गीतको भिडियो पनि आकर्षक अनि उत्कृष्ट बनेको छ। भिडियोमा निर्देशक प्रकाश भट्ट हुन् । भिडियोमा अन्जली अधिकारी र खेम सेन्चुरीको आकर्षक डान्स देख्न सकिन्छ।
नवराज उप्रेतीले खिचेको भिडियोलाई विष्णु शर्माले सम्पादन गरेका हुन् । हेर्नुस् भिडियो…
