काठमाडौं : अभिनेता प्रदीप खड्का स्टारर फिल्म ‘एक्टर’को रिलिज मिति घोषणा गरिएको छ। बिहीबार निर्माण टिमले आउँदो वर्षको कार्तिक १५ गते फिल्म रिलिज गर्ने तय गरेको हो। निर्माण टिमले बिहीबार नै दिव्या रायमाझीलाई फिल्ममा अनुबन्धित गराएको छ।
अब फिल्ममा प्रदीपको जोडी दिव्या रहनेछिन्। प्रदीप र दिव्यको रोमान्स फिल्ममा रहने बताइएको छ। उसो त फिल्ममा नायिका आना शर्मा र नायक राजवल्लभ कोइरालाको पनि मुख्य भुमिका रहेको छ। आगामी वैशाखबाट छायांकनमा जाने फिल्मको निर्देशन राजन भुसालले गर्दैछन्। सह- निर्देशकमा चाहिँ रीत बोहरा रहेका छन्।
अधृत फिल्म्सको व्यानरमा निर्माण हुन लागेको फिल्ममा थमन कुमार भण्डारी निर्माताको रुपमा रहेका छन् भने एनिस भुसाल र सार्थक केसी सह–निर्माताको रुपमा छन्। फिल्मलाई नरेन्द्र मैनालीले खिच्दैछन्। फिल्मको पोस्टर र पब्लिसिटी डिजाइन रोयल भिमसेन (ट्राइडेन्ट कन्सेप्ट)ले गरेका हुन्। फिल्मको सोसल मिडिया म्यानेजरको रुपमा विवेक खकुरेल रहेका छन्।
