
काठमाडौं : नायिका पूजा शर्मा फिल्म क्षेत्रमा जति सफल छिन् त्यति नै विवादमा तानिँदै आएकी छिन्। कन्ट्रोभर्सीले त उनलाई कहिल्यै पनि छोडेको हुँदैन। उनी बोल्दा पनि कन्ट्रोभर्सी, नबोल्दा पनि कुनै न कुनै विषयले विवादमा तानिनै हाल्छिन्। यो कुरालाई पूजाले पनि स्वीकार्दै आइरहेकी छिन्।
केही हप्ता अधि मात्रै अभिनेता भुवन केसीलाई एक सार्वजनिक कार्यक्रममा गाला मुसार्दै ‘यो त सब भन्नेकुरा न हो’ भनेको भिडियो क्लिप्स निकै भाइरल बन्यो। यस् विषयमा विभिन्न मिडियामा समाचारहरु समेत प्रकाशित भए।
चलचित्र पत्रकार प्रकाश सुवेदीले संचालन गर्दै आइरहेको लोकप्रिय कार्यक्रम ‘रजतपट’मा पनि यो विषयलाई समावेश गरियो। त्यसपछि झन् पूजाको उक्त विषय सबैलाई चासो लाग्न थाल्यो। यही विषयमा पूजाले आफ्नो अभिव्यक्ति राखेकि छिन्। शुक्रबार एक अवार्ड कार्यक्रममा मिडियाकर्मीहरुसँग बोल्दै प्रकाश सुवेदीलाई ठाडो चुनौती समेत दिएकी छिन्।
‘म मन पर्दैन भने, मेरो कुरा मन पर्दैन भने मेरो फोटो, कन्टेन्ट, न्युज प्लिज आइन्दा देखि नराखिदिनुहोला’ भन्दै पूजाले मिडियाकै अगाडि प्रकाश सुवेदीलाई ठाडो चुनौती दिएकी हुन्। आफूले कुन प्रसंगमा गरेको कुरा नबुझेर बोल्न अधिकार नभएको भन्दै आक्रोश पनि पूजाले पोखेकी छिन्। आफ्नो इगो, आफ्नो ठाउँमा राखेर आइन्दा आफूलाई कतैपनी नजोडिदिन र फोटो न्युज प्रयोग नगरिदिन पनि पूजाको सुवेदीलाई आग्रह रहेको छ।
त्यसो त, प्रकाश सुवेदीसँग लफडा भएको पूजाको लामै समय भयो। कोरोनाका कारण नेपालमा भएको लकडाउनको समयमा पूजा सुवेदीकै कार्यक्रमबाट विवादमा तानिएकी थिइन्। उक्त विवादले पूजालाई लामो समयसम्म मानसिक यातना भोग्नुपर्यो। लामो समय पूजाले गाली खाइन।
पत्रकार प्रकाश सुवेदीसंगको उनको लफडा पनि चाखलाग्दै थियो । उनले जिल्ला र अञ्चल भन्न जानिनन् । नजानेपछि जानिन भन्न पाइन्थ्यो । तर कार्यक्रममा काटिदिनु भनेको क्लिप्स नकाटेको भन्दै उनी सुवेदीमाथि नै खनिइन् । र उनका गोजिका भनिएका पत्रकारको बुम र क्यामेरा अघि बसेर खुब विवाद तन्काईन् ।
विभिन्न गीत र फिल्म प्रमोसनका लागि भन्दै पुग्ने तर कुरा भने त्यही विवादको गर्ने क्रम रोकिएन । अझ ‘मेरो कुरा काटेर पेट भरेको’ सम्म भन्न भ्याईन् । अहिले केही हदसम्म विवाद मत्थर भए पनि सम्बन्ध भने सुध्रिएको छैन ।