काठमाडौं : हाल हलमा प्रदर्शनरत चलचित्र ‘ज्याकी: आईएम ट्वान्टी वान’को पोखरामा ‘विशेष शो’ हुनेभएको छ। आगामी बिहीबार साँझ ६ बजे पोखराको मिड्टावन सिनेमा हलमा विशेष शो गरिने चलचित्र टिमले जनाएको छ।
विशेष शो’का लागि चलचित्रका नायक धिरज मगर, नायिका जसिता गुरुङ लगायतको टिम पोखरा जाने बताइएको छ। विशेष शो’पछि टिमले दर्शकसँग साक्षात्कार गर्ने बताइएको छ।
डान्सको कथामा आधारित यो चलचित्र नेपालको पहिलो हो। सुशान्त प्रजापतिको छायांकन, निमेष श्रेष्ठको सम्पादन, रेनशा राई राना र सोमनाथ खनालको संवाद चलचित्रमा रहेको छ। रेनाशा राई रानाले चलचित्रको निर्देशन गरेकी हुन्।
चलचित्रमा धिरज मगर र जसिता गुरुङ मुख्य भुमिकामा रहेका छन् । त्यस्तै, अरुण क्षेत्री, प्रेम सुब्बा, लुनिभा तुलाधर, पल्पसा डंगोल, राजु भुजु, सुजता राई लगायतका कलाकारको समेत चलचित्रमा अभिनय देख्न सकिन्छ। चलचित्रमा जसिता ‘रुबी’को भुमिकामा छिन् भने धिरज ज्याकीको भुमिकामा रहेका छन्।
