काठमाडौं : यतिबेला हलमा नायक धिरज मगर र नायिका जसिता गुरुङ स्टारर चलचित्र ‘ज्याकी: आईएम ट्वान्टी वान’ प्रदर्शनरत छ। गत बिहीबारदेखि प्रदर्शनमा आएको चलचित्रको क्लाइमेक्स सिन निर्माण टिमले पुनः सम्पादन गरेको छ।

यस् भन्दा अघि ‘ओपन इन्डिङ’ भएकोले दर्शकले इन्डिङ चित्त नबुझेको भन्दै प्रतिक्रिया दिइरजेका थिए। दर्शकको मागलाई सम्बोधन गर्दै इन्डिङको क्लाइमेक्स सिन पुनः सम्पादन गरेर रिलिज गरिएको चलचित्रका पब्लिसिटी डिजाइनर रोयल भिमसेनले बताए।

त्यसो त, निर्माण टिमले चलचित्रको पेजबाट पनि पुनः सम्पादन गरेर रिलिज गरिएको औपचारिक जानकारी दिएको छ। डान्स ड्रामामा आधारित चलचित्रलाई रेनशा राई रानाले निर्देशन गरेकी हुन्।

चलचित्रमा धिरज र जसिताका अलावा अरुण क्षेत्री, प्रेम सुब्बा, लुनिभा तुलाधर, पल्पसा डंगोल,सुजाता राई लगायतको पनि अभिनय रहेको छ। चलचित्रलाई सुशान्त प्रजापतिले खिचेका हुन् भने निमेष श्रेष्ठले सम्पादन गरेका हुन्। चलचित्रमा पब्लिसिटी डिजाइन रोयल भिमसेन (ट्राइडेन्ट कन्सेप्ट)को रहेको छ।

यतिबेला धिरज र जसिता विभिन्न हलहरुमा पुगेर दर्शक भेट्ने र प्रतिक्रिया लिने काम गरिरहेका छन्।