काठमाडौं : नायक पल शाह र नायिका आँचल शर्मा लामो समयपछि एकसाथ देखिएका छन्। आइतबार काठमाडौंको एक फिल्म हलमा पल र आँचल एकसाथ देखिएका थिए।
पल आँचल अभिनिर फिल्म ‘नाइँ नभन्नू ल ६’ हेर्न हल पुगेका थिए। पलले आँचलको साथमा आइतबार रातिको शो हेरेका थिए। पल र आँचलले एकसाथ फिल्म हेरिसकेपछि मिडियासँग साक्षात्कार समेत गरेका थिए।
पलले आँचलको तारिफ गर्दै ‘नाईं नभन्नू ल ६’ राम्रो भएको बताए। आफू जेल हुँदा आँचलको ‘झिंगेदाउ’ पनि राम्रो भएको सुनेको पलले बताए। काठमाडौं मै भएको भए ‘झिंगेदाउ’ पनि हेर्ने रहर भएको पलले सुनाए।
आँचल पनि लामो समयपछि पलसँग भेटघाट गर्न पाउँदा निकै खुशी थिइन्। झन् आफू अभिनित फिल्म पलसँग हेर्न पाउँदा आँचलको चेहेरा हर्षित थियो।
दर्शकले रुचाएको जोडी भएर छिट्टै नयाँ फिल्ममा आँचलसँग सहकार्य हुन सक्ने पलले जनाए। पल जेल जीवन बिताएर निस्केपछि पहिलोपटक मिडियामा देखा परेका हुन्। त्यसो त, पलले जेलबाट रिहा भएपछि पहिलोपटक नै फिल्म हेरेका हुन्।
