काठमाडौं : नायक पल शाह यतिबेला विभिन्न मेला महोत्सवमा व्यस्त छन्। दर्शकले औधी रुचाउने भएर होला पल देशका विभिन्न मेला महोत्सव आयोजकको नजरमा पर्ने गरेका छन्। यसैबीच, पल एक कार्यक्रमको लागि बुधबार इटहरी पुगेका थिए।
इटहरी पुगेको समयमा पल धरान पनि जान भ्याए। धरानका मेयर हर्क साङ्पाङसँग भेटघाट पनि गरे पलले। पलसँगै हर्क पनि भेटघाटबाट निकै उत्साहित भए। हर्कले भने पलसँग खिचाएका केही तस्वीरहरु आफ्नो फेसबुल पेजबाट सार्वजनिक गरेका छन्।
पललाई तारिफ गर्दै हर्कले केही तस्वीरहरु सार्वजनिक गरेका छन्। ‘श्रमलाई सम्मान गर्ने कलाकार पलजी’- भनेर हर्कले पलसँगका तस्वीर बिहीबार सार्वजनिक गरेका हुन्। तस्वीरमा पलले हर्कलाई बेल्चा उपहार दिन लागेको देख्न सकिन्छ।
करिब १ वर्ष जेल जीवन बिताएर बाहिर निस्केका पलले आधा दर्जन म्युजिक भिडियोमा अभिनय गरिसकेका छन्। जुन भिडियोहरु रिलिजको तयारीमा छन्।
