काठमाडौं : गायिका एलिना चौहान ‘धोकेबाज’ गीतले चर्चामा छिन् यतिबेला। यो गीतले भन्दा पछिल्लो समय प्रेम सम्बन्धका कारण झन् चर्चामा छिन् एलिना।
अष्ट्रेलियाबाट केही दिन अघि मात्रै एलिना नेपाल फर्किएकी हुन्। सांगीतिक कार्यक्रमका लागि अष्ट्रेलियामा हुँदा एलिनाको प्रेम चर्चाले निकै उचाइ लियो।
अष्ट्रेलियामै बस्ने प्रेमी विष्णु सापकोटासँग बनाएका टिकटक भिडियो सार्वजनिक गरेलगत्तै एलिनाको प्रेम सम्बन्ध बाहिरिएको थियो। यद्यपि, आफ्नो प्रेम सम्बन्धको खबर साँचो हो या झुठो भन्ने खबरको एलिनाले आधिकारिक कुनै अभिव्यक्ति भने दिएकी थिइनन् ।
तर नेपाल फर्किए लगत्तै एलिनाले इन्ट्राग्राममा प्रेमीसँगको एउटा तस्वीर सार्वजनिक गरिन् । उक्त तस्वीरले चाहिँ उनको प्रेम सम्बन्ध साँचो रहेको पुष्टि गरेको छ।
इन्स्टाग्राममा एलिनाले तस्वीर मात्र सार्वजनिक गरेकी छैनन्, तस्वीरसँगै केही क्याप्सन पनि लेखेकी छिन् । उक्त क्याप्सनले एलिना र विष्णुबीचको प्रेम सम्बन्ध झनै झाँगिएको स्पष्ट हुन्छ।
एलिनाले लेखेकी छिन् , ‘तिमीलाई सोचेर मेरा विपनाहरु बित्छन् । तिम्रो सपना देखेर मेरो निद्रा पूरा हुन्छ । तिमीसँग हुँदा म जिउँदो अनुभव गर्छु ।’ एलिनाको उक्त पोष्टमा धेरैले बधाई समेत दिएका छन् ।
बुझिए अनुसार यि दुईले छिट्टै विवाह समेत गर्दैछन् रे। यि विगत ६ महिनादेखि प्रेम सम्बन्धमा रहेका थिए।
