काठमाडौं : यतिबेला गायिका समीक्षा अधिकारी अष्ट्रेलियामा छिन् । केही दिन अधि उनी अष्ट्रेलिया पुगेकी हुन्। उनी एक्कासी अष्ट्रेलिया उडेपछि धेरैले पलायन भएको लख काटे।

यद्यपि उनले न त अष्ट्रेलिया उड्ने बेला आधिकारिक जानकारी दिइन् , न त अहिले अष्ट्रेलिया पुगेपछि नै। तर उनले अष्ट्रेलिया पुगेपछि चाहिँ एउटा स्टाटस चाहिँ लेखेकी छिन् ।

जिन्दगीको खेललाई नकार्न नसकिने कुरालाई समिक्षाले स्टाटसमा उल्लेख गरेकी छिन्। स्टाटसमा उनले केही दिन सांगीतिक कार्यक्रममा सहभागी हुने जानकारी दिएकी छिन्।

‘जिन्दगीको खेललाई सजिलै नकार्न कँहा सकिन्छ र’, समिक्षाले लेखेकी छिन् ‘तरपनि दुख अनि सुखलाई आत्मसात गर्दै अष्ट्रेलियाको यात्रामा छु। कमेरो ईभेन्टस अष्ट्रेलिया द्बारा आयोजित रकडेल होलि मेला २०२३ मा हजुरहरुसँगै होलि मनाउनको लागि म पनि आउँदैछु। अनि हजुरहरु पनि आउनु है त।’

यो स्टाटसबाट उनी केही समय अष्ट्रेलियाको एक सांगीतिक कार्यक्रममा सहभागी हुने स्पष्ट हुन्छ। कार्यक्रम पछि नेपाल फर्किने वा न फर्किने भन्ने कुरा चाहिँ उनले उल्लेख गरेकी छैनन् ।

उनको उक्त स्टाटसलाई हजारौंले लाइक अनि कमेन्ट गरेका छन्। थुप्रै सकारात्मक अभिव्यक्ति उनका शुभचिन्तकहरुले स्टाटसको कमेन्ट बक्समा लेखेका छन् । जुन प्रतिक्रियाले समिक्षालाई आगामी जीवनमा अघि बढ्ने हौसला प्रदान गर्छ ।

जे होस् आफ्नो जीवनमा घटेको घटनाबाट विक्षिप्त भएको लामो समयपछि स्टेज कार्यक्रममा सहभागी हुन लागेकी समिक्षा विस्तारै आगामी दिनमा पनि अन्य सांगीतिक कार्यक्रममा सरिक हुनेछिन् भन्ने आँकलन गरिएको छ।