नेपालगन्ज : डिएस डिजिटलको ब्यानरमा निर्माण भएको चलचित्र ‘परस्त्री’को नयाँ रिलिज मिति तय गरिएको छ। यस अघि कार्तिक ६ बाट फागुन १९ मा पुगेको चलचित्र अब असार १५ मा रिलिज हुने भएको छ।
आइतबार चलचित्रकि निर्माता शर्मिला पाण्डेको जन्मदिनको अवसर पारेर निर्माण टिमले नयाँ रिलिज मिति घोषणा गरेको हो।
सुरज पाण्डेको डेब्यु निर्देशनमा निर्मित चलचित्र मा
कोसिस क्षेत्री, शिल्पा मास्के, गौरव विष्ट, अलिसा क्षेत्री, आशान्त शर्मा लगायतका कलाकारहरुको अभिनय रहेको छ।
विवाहेत्तर सम्बन्धले निम्त्याउने पारिवारिक र सामाजिक संकटको कथावस्तुमा निर्माण भएको चलचित्रमा काठमाडौं र मुस्ताङमा छायांकन गरिएको हो । निरज पाण्डेले सिनेमाको छायांकन गरेका हुन् ।
चलचित्रका लेखक दिपेन्द्र के खनाल हुन्। प्राविधिक कार्य सम्पन्न नभएकोले नयाँ मिति तय गरिएको निर्माण टिमले जनाएको छ। चलचित्रका पब्लिसिटी डिजाइनर रोयल भिमसेन हुन् ।
