नेपालगन्ज : प्रदर्शन मिति नजिकिँदै गर्दा चलचित्र ‘ह्यारी कि प्यारी’को टिमले प्रचारप्रसारलाई तिव्रता दिन थालेको छ। केही दिन अगाडि ट्रेलर रिलिज गरेको निर्माण टिम यतिबेला प्रचारप्रसार मै व्यस्त छ।

प्रचारप्रसारकै क्रममा ‘ह्यारी कि प्यारी’का नायक जितु नेपाल ‘मुन्द्रे’ लगायतकको टिम बुधबार नेपालगन्ज आएको थियो। नेपालगन्ज स्थित रोयल क्राउनमा आयोजित एक कार्यक्रममा सहभागी बनेका जितु बिहीबार अर्को कार्यक्रममा पनि सहभागी बने।

चौधरी समुदायको महान पर्व माघीको अवसरमा नेपालगन्जमा आयोजित माघी विशेष कार्यक्रममा जितु उपस्थित भएका हुन्। जितु आउने थाहा पाएपछि दर्शकले नेपालगन्जको रामलीला मैदान भरिएको थियो।

जब जितु स्टेज उक्ले, तब दर्शकले ताली र हल्लाले निकै स्वागत गरेका थिए। हजारौं दर्शकको माझ जितुले ‘ह्यारी कि प्यारी’को बारेमा जानकारी दिएका थिए। त्यसो त, जितुले केही समय उपस्थित दर्शकलाई हसाएका पनि थिए।

जे होस्, जितुको क्रेज नेपालगन्जमा गजबको थियो। जितुका साथै ‘ह्यारी कि प्यारी’का निर्देशक कपिल रिजाल र छायाँकार सुदिप बराल पनि नेपालगन्ज आएका थिए।

जितुसँगै नायिका साम्राज्ञी आरएल शाहको मुख्य भुमिका रहेको चलचित्र ‘ह्यारी कि प्यारी’ आगामी माघ २० गतेबाट प्रदर्शनमा आउँदैछ।