काठमाडौं : नायक पल शाह र नायिका मलिक महत फिचर्ड म्युजिक भिडियो ‘फूलबुट्टे सारी’को फिमेल भर्सनलाई छोटो समयमै युट्युबमा निकै राम्रो भ्युज प्राप्त भएको छ।

मिलन नेवारको स्वर र राजनराज शिवाकोटीको शब्द अनि संगीत रहेको ‘फूलबुट्टे सारी’को फिमेल भर्सनले हालसम्म ९ करोड बढी भ्युज युट्युबमा पाउन सफल भएको छ।

गीत रिलिज भएको करिब २ वर्षको अवधिमा मात्रै ६ लाख बढी लाइक र २४ हजार बढी सकारात्मक कमेन्ट पनि गीतले पाएको छ। मार्मिक लामाको आवाजमा रहेको गीतको मेल भर्सनले पनि करोड बढी भ्युज पाएको छ।

त्यसो त, फिमेल भर्सनकै मात्र कुरा गर्ने हो भने हालसम्मकै निकै रुचाएको भिडियोमा यो पनि पर्ने गर्छ। यसै भिडियो मार्फत पल र मलिकाको जोडी दर्शकले अत्याधिक रुचाउँदै आएका हुन् ।

एउटा प्रेमील जोडीको कथालाई कलात्मक तरिकाले देखाइएको भिडियोलाई राजेश पुवा राईले निर्देशन गरेका हुन्। कालिन्चोकका विभिन्न स्थानको आकर्षक दृश्यलाई कैद गरि उत्सव दाहालले भिडियो खिचेका हुन् ।भने, विकाश दाहालले सम्पादन गरेका छन् ।

केन्द्र मोशन पिक्चर्सको प्रस्तुतिमा ‘फूलबुट्टे सारी’को फिमेल भर्सनलाई बजारमा ल्याइएको थियो। त्यसो त, केन्द्र मोशन पिक्चर्सले पनि छोटो समयमा उत्कृष्ट कम्पनीको रुपमा चिनाउन सफल भइसकेको छ।