नेपालगन्ज : पछिल्लो समय मोफसलमै बसेर निर्देशनमा व्यस्त बनेका निर्देशक नवराज सुवेदी निर्देशित नयाँ म्युजिक भिडियो रिलिज भएको छ।

आइतबार रिलिज ‘साहन के दिवानी’ बोलको थारु गीतमा श्रीनिवास चौधरी र अन्नु चौधरीको सुमधुर आवाज रहेको छ। गीतमा शब्द अनि संगीत उमेश मुस्कानको रहेको छ।

गीतको अडियोसँगै भिडियो पनि उत्कृष्ट बनाइएको छ। भिडियोमा कलाकार सोना बज्राचार्य र देवदास रिचर्ड छन् । उनीहरूको जोडी प्रेमिल देखिएको छ। आकर्षक नृत्यसँगै उत्कृष्ट अभिनय निर्वाह गरेका छन् सोना र देवदासले भिडियोमा।

चौधरी समुदायमा हुर्केका युवायुवती बीचको प्रेमलाई भिडियोमा आकर्षक तरिकाले देखाएका छन् निर्देशक सुवेदीले। विशेषगरी चौधरी समुदायको भेषभुषा, रहनसहन लगायतका कुरालाई पनि भिडियोमा समेटिएको छ।

भिडियोलाई उत्कृष्ट बनाउन सक्दो मिहेनत गरेका छन् निर्देशकले। ‘सिमित स्रोत साधनहरुको बाबजुद पनि यत्तिको भिडियो बनाउन सफल भयौं’, निर्देशक सुवेदी भन्छन् ,’अडियो सुन्दा नै मन परेको हो। त्यसैले भिडियो पनि अडियोलाई न्याय दिने हुनुपर्छ भन्ने सोचेर हाम्रो टिमले अब्बल भिडियो बनाउन सकेको मिहेनत गरेको छ।’

आकर्षक लोकेशन सहित आकर्षक फ्रेममा रामु चौधरीले भिडियो खिचेका हुन् । त्यसो त, भिडियोको सम्पादन र रंग संयोजन पनि रामुले नै गरेका हुन् । भिडियो..