काठमाडौं : नेपाली सांगीतिक क्षेत्रमा आफ्नो छुट्टै पहिचान बनाउन सफल गायक हुन् सुनिल गिरी। विशेषगरि प्रेमीला गीत सृजना गर्न र गाउन खप्पिस सुनीलका सयौं गीतहरु बजारमा सार्वजनक छन्।
जसमध्ये अधिकांश गीतहरु दर्शक स्रोतामाझ अत्याधिक लोकप्रिय छन्। यसैबीच, सुनिलले नयाँ गीत बजारमा ल्याएका छन्।
‘जुम्ला’ बोलको नयाँ गीत सुनिलले शुक्रबार आफ्नै युट्युब च्यानलबाट सार्वजनिक गरेका हुन्। गीतमा सुनिलको सुमुधुर आवाज सुन्न सकिन्छ। पर्यटकिय दृष्टिकोणले निकै सम्भावना बोकेको जुम्ला जिल्लाको बारेमा गीत केन्द्रित छ।
गीतमा सुनिलकै संगीत रहेको छ भने शब्द चाहि अमन निलसागर र सुनिलको संयुक्त रुपमा रहेको छ। गीतको अडियो जति सशक्त छ, भिडियो झन आकर्षक बनाइएको छ ।
भिडियोमा जुम्लाका आकर्षक दृश्यहरुलाई उत्कृष्ट तरिकाले देखाइएको । रोशन केसी र मिस पबी भिडियोमा फ़िचर्ड छन्। भिडियोलाई शिशिर खातीले निर्देशन गरेका हुन्। विवेक बिकले भिडियो खिचेका छन् भने मनोज कार्की भिडियोका सम्पादक हुन्।
