काठमाडौं : नेपाली चलचित्र क्षेत्रमा बोल्ड नायिकाको छबि बनाएकी नायिका हुन् साम्राज्ञी आरएल शाह। डिमान्डेड नायिकाको रुपमा चिनिने साम्राज्ञी अभिनित नयाँ चलचित्र कोरोना कालपछि रिलिज भएका छैनन् ।

तर अब भने साम्राज्ञी अभिनित नयाँ चलचित्र रिलिज हुनेभएको छ। साम्राज्ञी अभिनित नयाँ चलचित्र ‘तिम्रो मेरो साथ’ आगामी पौष २९ गतेबाट प्रदर्शनमा आउँदैछ।

जसको नयाँ गीत सार्वजनिक गरिएको छ। बिहिवार राजधानीमा एक कार्यक्रमको आयोजना गर्दै निर्माण टिमले ‘जोश छ जवानीको’ बोलको गीत रिलिज गरेको हो।

योगेश काजी शाह र सारिका घिमिरेको गीतमा आवाज रहेको छ। गीतमा योगेशकै संगीत रहेको छ भने रमेश एमके पौडेलको शब्द रहेको छ।

भिडियोमा साम्राज्ञीलाई बोल्ड अवतारमा देख्न सकिन्छ। त्यसो त, साम्राज्ञीले भिडियोमा दमदार डान्स गरेकी छिन् । आजसम्मकै आकर्षक डान्स साम्राज्ञीले यस् भिडियो गरेको आभाष हुन्छ।

साम्राज्ञीसँगै यसै चलचित्रका नायक पुष्प खड्का र कलाकार सन्दीप क्षेत्रीले पनि भिडियोमा डान्स गरेका छन् । भिडियोमा निर्माण टिमले महंगो बजेट खर्च गरेको छ। भिडियोलाई रामजी लामिछानेले कोरियोग्राफी गरेका हुन् ।

लभस्टोरी जनरामा आधारित यस् चलचित्रलाई रमेश एमके पौडेलले निर्देशन गरेका हुन्। रमेशले यसै चलचित्र मार्फत निर्देशनमा डेव्यु गरेका छन् । रमेश चलचित्रका निर्माता पनि हुन् ।

चलचित्रका लेखक एवम् कार्यकारी निर्माता सबिर श्रेष्ठ हुन् । त्यस्तै निर्मातामा पासाङ लामा, अर्नव पौडेल, आर्यन पौडेल रहेका छन् भने सह-निर्माताको रुपमा निरु भण्डारी, अशोक पोखरेल, सुमन पौडेल र सुधिर पराजुली रहेका छन् ।

आर्यन फिल्मस तथा बोधी एचडी अमेरिकाको संयुक्त ब्यानरमा निर्माण गरिएको चलचित्रमा साम्राज्ञी र पुष्पका अलवा सरोज खनाल, सन्दीप क्षेत्री, इमिली लामा लगायतका कलाकारहरुको समेत अभिनय रहेको छ।

सुभाष भुसाल र योगेश काजीको संगीत चलचित्रमा रहेको छ। केही महिना अघि ‘रुमालै बाटेर’ बोलको गीत निर्माण टिमले रिलिज गरेको थियो। जुन गीतलाई दर्शक स्रोताले निकै रुचाएका छन् ।

चलचित्रलाई शिव ढकालले खिचेका हुन् भने भुपेन्द्र अधिकारीले सम्पादन गरेका छन् । साम्राज्ञी र पुष्पले संगै स्क्रिन सेयर गरेको यो दोस्रो चलचित्र हो।

यस् अघि चलचित्र ‘मारुनी’मा साम्राज्ञी र पुष्पले संगै काम गरिसकेका छन् । ‘मारुनी’मा जस्तै ‘तिम्रो मेरो साथ’मा पनि दर्शकले साथ दिने पुष्प र साम्राज्ञीको विश्वास छ। अब दर्शकले यो जोडीलाई ‘तिम्रो मेरो साथ’मा कत्तिको रुचाउने हुन् त्यो त प्रदर्शन पछि नै थाहा होला।