काठमाडौं : नायिका साम्राज्ञी राज्य लक्ष्मी शाह र कलाकार जितु नेपाल स्टारर चलचित्र ‘ह्यारी कि प्यारी’को प्रदर्शन मिति घोषणा गरिएको छ।

निर्माण टिमले आगामी माघ २० गतेलाई प्रदर्शन मिति तय गर्दै शुक्रबार ३ वटा पोस्टर समेत सार्वजनिक गरेको छ। साम्राज्ञीको जन्मदिनको अवसर पारेर प्रदर्शन मिति निर्माण टिमले तय गरेको हो।

पोस्टरमा साम्राज्ञी र जितुलाई रोमान्टिक मुडमा देख्न सकिन्छ। कमेडी जनरामा आधारित यस् चलचित्रमा कपिल रिजालको कथा तथा निर्देशन रहेको छ।

बीआर प्रोडक्शनको प्रस्तुतिमा तयार भएको फिल्ममा बिजय बराल, लक्ष्मी गिरी, सुवास गजुरेल, नरेश पौडेल, रञ्जना भट्टराई, समीक्षा पौडेल, रमेश अधिकारी, डिल्लिराम खनाल लगायतको अभिनय छ ।

चलचित्रमा नायिका रेखा थापालाई विशेष भूमिकामा देख्न सकिनेछ। सुदिप बराल, गिरिराज घिमिरे, कपिल रिजाल र अभिमन्यू निरवीको पटकथा तथा संवाद चलचित्रलाई सुदिप बरालको छायांकन र अर्जुन जिसीको सम्पादन रहेको छ।

पहिलोपटक एकसाथ स्क्रिन सेयर गरेका साम्राज्ञी र जितुको जोडीलाई चलचित्रमा दर्शकले कत्तिको रुचाउने हुन् त्यो त प्रदर्शन मिति कुर्नुपर्ने नै हुन्छ।