काठमाडौं : यशोदा फिल्मसको ब्यानरमा निर्माण भएको चलचित्र ‘फूलबारी’को फर्स्टलुक पोस्टर रिलिज गरिएको छ। निर्माण टिमले आइतबार फर्स्टलुक पोस्टर रिलिज गरेको हो।
रामबाबु गुरुङ निर्देशित यो चलचित्रको फर्स्टलुक पोस्टर निर्माता मनिष ढकालको जन्मदिनको अवसर पारेर रिलिज गरिएको निर्देशक गुरुङले जनाएका छन् ।
रिलिज गरिएको पोस्टरमा मल्टिस्टारहरुलाई देख्न सकिन्छ। चलचित्रका कलाकार अभिनेता दयाहाङ राई, बिपिन कार्की, प्रियंका कार्की, शिल्पा मास्के, अरुणा कार्की, गौमाया गुरुङ पोस्टरमा अटाइएका छन् ।
उपेन्द्र सुब्बाले चलचित्रको पटकथा लेखेका हुन् । सोमनाथ खनाल, अनुपम शर्मा, मनिष ढकाल, साक्षी सिंह भण्डारी, रुजा राउत, रुपेश दाहाल, सुमित्रा गोम्जा लगायतको पनि चलचित्रमा अभिनय रहेको छ।
चलचित्र आगामी फागुन ५ गतेबाट प्रदर्शनमा आउँदैछ। अभिभावक र सन्तानबीचको सम्बन्धको कथामा आधारित चलचित्रमा कथा र कन्सेप्ट कमल किशोर मलपानीको रहेको छ।
