नेपालगन्ज : सम्राट बस्नेत निर्देशित चलचित्र ‘लाखे’आज शुक्रबारबाट देशभर प्रदर्शनमा आएको छ। ट्रेलर आउट भएसंगै एक खालको चर्चा बटुलेको यस् चलचित्रलाई देशभरमा मल्टिपिलेक्स र सिंगल थियटरमा ठिकै शो दिइएको छ।

चलचित्रको केही दिन अघि प्रिमियर समेत गरिएको थियो। प्रिमियरमा चलचित्रलाई निकै रुचाइएको थियो। अधिकांश सेलिब्रेटीहरुले प्रिमियर शो हेरेर चलचित्रको तारिफ समेत गरेका थिए।

एक्सन, सस्पेन्स-थ्रिलर जनरामा निर्माण गरिएको चलचित्रमा सौगात मल्ल, अनुप बिक्रम शाही, अर्पण थापा, आर्यन अधिकारी, वर्षा राउत, रोहित रुम्बा, संजोग राणा, सुशील सिटौला, प्रशान्त ताम्राकार, रक्षा बुढाथोकी लगायतका कलाकारको मुख्य भूमिका रहेको छ ।

त्यस्तै, सिजन अर्यालको कथा तथा निर्माण रहेको चलचित्रको निर्मातामा डिपी भण्डारी र गणेश मल्ल ठकुरी (जिएम) छन् भने कार्यकारी निर्माता हरि मल्ल ठकुरी हुन् ।

चलचित्रमा सुजन प्रजापतिको छायांकन, कविराज गहतराजको कोरियोग्राफी, सम्राट बस्नेतको द्वन्द्व निर्देशन, अर्जुन जिसीको सम्पादन, आकाश बरालको पटकथा, अनुप न्यौपाने र आकाश बरालको संवाद लेखन रहेको छ ।