
नेपालगन्ज : गत शुक्रबारबाट प्रदर्शनमा आएको चलचित्र ‘महापुरुष’ले यतिबेला हलमा दर्शकको राम्रो साथ पाइरहेको छ।
बालकदेखि वृद्धसम्मका दर्शकहरुलाई हलसम्म यस् चलचित्र तान्न सफल भएको छ। दर्शकको साथ दिनानुदिन बढ्दै गएपछि चलचित्रको टिम विभिन्न हलमा पुगेर दर्शकसंग भेट्ने र प्रतिक्रिया लिने काम पनि गरिरहेको छ।
यसैबीच, दर्शकसंग भेटघाट गर्न ‘महापुरुष’ टिम नेपालगन्ज पनि आउने भएको छ। नेपालगन्जको क्युएफएक्स बागेश्वरीमा दर्शकसंगै बसेर चलचित्र हेर्न, दर्शकसंग भेटघाट गर्न र प्रतिक्रिया लिन भोलि बुधबार चलचित्रको टिम नेपालगन्ज आउने भएको हो।
दर्शकसंगको भेटघाटसंगै ‘महापुरुष’ टिमले नेपालगन्जका मिडियाकर्मीहरुसंग समेत भेटघाट गर्ने बताइएको छ।