काठमाडौं : पछिल्लो समयका व्यस्त अनि लोकप्रिय गायक प्रकाश सपुतलाई पुत्र लाभ भएको छ। प्रकाशकी जीवनसंगीनी बिन्दु बोहराले शनिबार दोस्रो सन्तानको रुपमा पुत्रलाई जन्मदिएकी हुन् ।
प्रकाशको पहिलो सन्तानको रुपमा एक छोरी छिन् । दोस्रो सन्तानको रुपमा पुत्रलाभ भएपछि प्रकाशलाई यतिबेला सामाजिक संजालमा बधाई दिनेहरुको ओइरो लागेको छ।
प्रकाशका असंख्य शुभचिन्तकहरुले बधाई दिइरहेका छन् । प्रकाश गायक मात्र नभएर एक अब्बल सर्जक समेत हुन् ।
उनले नेपाली रजतपटमा समेत पाइला चालेका छन् । प्रकाश अभिनित डेव्यु चलचित्र ‘परदेशी २’ प्रदर्शनको तयारीमा रहेको छ।
