काठमाडौं : चलचित्र ‘डिसेम्बर फल्स’को फर्स्टलुक पोस्टर रिलिज गरिएको छ। निर्माण टिमले शुक्रबार दुई छुट्टाछुट्टै पोस्टर रिलिज गरेको हो।
पोस्टरमा नायक आर्यन सिग्देल र नायिका उपासना सिङ ठकुरीलाई भिन्नभिनै अवतारमा देख्न सकिन्छ। झट्ट हेर्दा पोस्टरले दर्शकको ध्यान केन्द्रित पार्छ।
एक प्रेमिल जोडीको प्रेम कथामा आधारित चलचित्र मा आर्यन र उपासनाको मुख्य भुमिका रहेको छ। l आगामी पौष १५ गतेबाट रिलिजमा आउन लागेको चलचित्रका निर्देशक प्रवीण झा हुन् । चलचित्रलाई खिच्ने काम महेश आर गुप्ताले गरेका छन् ।
चलचित्रमा आर्यन र उपासनासँगै सलोन बस्नेत, सुमन थापा रोहित, दयाराम दाहाल, नरेश भट्टराई लगायतका कलाकारहरुको अभिनय रहेको छ ।
रामप्रसाद रिजालको प्रस्तुति रहेको चलचित्रका कार्यकारी निर्माता लक्ष्मण रिजाल हुन् । चलचित्रमा राजकुमार भट्टको पनि लगानी छ । बीपीका खनालको कथा रहेको चलचित्रको पटकथा र संवाद केदार भुसालले लेखेका हुन् ।
आर्यन र उपासनाले पहिलोपटक एकसाथ काम गर्दैछन् । रिलिजका हिसावले उपासना अभिनित यो चलचित्र चौथो हो। त्यसो त, आर्यन पनि लामो समयपछि यसै चलचित्र मार्फत दर्शकमाझ प्रस्तुत हुँदैछन् ।
