नेपालगन्ज : नेपाली नारीहरुको महान चाड हरितालिका तीज नजिकिँदै गर्दा विभिन्न प्रकारका तीज गीतहरू बजारमा आइरहेका छन् । यसैक्रममा, लोकप्रिय संगीतकार श्रीकृष्ण बम मल्लको शब्द तथा संगीतमा नयाँ तीज गीत रिलिज भएको छ।

मंगलबार रिलिज भएको “आमाले नदुखाउनु मन” बोलको गीतमा चर्चित गायिका अन्जु पन्तको सुमधुर आवाज रहेको छ। पछिल्लो समय विश्वलाई नै आक्रान्त बनाइरहेको कोरोना भाइरसका कारण समाजमा भइरहेको घटनालाई गीतकार श्रीकृष्ण बमले कारुनिक शैलीले गीतमा उतारेका छन् । गीतका प्रत्येक शब्दले मन भावुक बनाउँछन् । गीतको अडियो एकदम उत्कृष्ट रहेको छ।

गीतको अडियोसंगै भिडियो पनि त्यतिकै आकर्षक अनि उत्कृष्ट बनेको छ। भिडियोमा समावेश दृश्य हेर्दा जोकोहीका आँखा रसाउने गर्छन् । भिडियोमा मोडल करिष्मा ढकालको अभिनय रहेको छ। उनले भिडियोमा कारुनिक अनि जीवन्त अभिनय गरेकी छिन् ।

बागलुङका विभिन्न स्थानहरुमा छायांकन गरिएको उक्त भिडियोमा परिकल्पना तथा निर्देशन श्रीकृष्ण बमकै रहेको छ। भिडियोलाई बिनोद खड्काले खिचेका हुन् भने बिकाश ज्ञवालीले सम्पादन गरेका हुन् । भिडियो श्रीकृष्ण बम मल्लको अफिसियल युटुब च्यानलबाट रिलिज गरिएको हो। हेर्नुस् भिडियो..