काठमाडौं : नेपाली चलचित्र क्षेत्रमा रिलमा रुचाइएका जोडीहरु निर्माताको पहिलो नजरमा पर्ने गर्छन् । त्यसो त, सितिमिति जोडीलाई रिलमा दर्शकले रुचाउँदैनन् पनि।

दर्शकले रुचाएका जोडीहका चलचित्रहरु सफल पनि भएका छन् । यस्तै, दर्शकले रुचाएर रिल लाइफमा जमेका जोडीहरु मध्य ‘वर्षा-विपिन’को जोडी पनि पर्नेगर्छ।

अभिनेत्री वर्षा राउत र अभिनेता विपिन कार्कीको जोडीलाई हालसम्म दर्शकले रिलमा असाध्यै रुचाएका छन् । उसो त, वर्षा र विपिनले सँगसँगै लगातार ४ वटा चलचित्रमा संगै काम गरिसकेका छन् ।

चलचित्र ‘जात्रा’, ‘गोपी’, ‘जात्रै जात्रा’, र ‘के घर के डेरा’ गरि लगातार ४ वटा चलचित्रमा वर्षा र विपिनको अभिनय छ। चलचित्र ‘के घर के डेरा’ बाहेक रिलिज भइसकेका अन्य ३ चलचित्र नेपाली बक्स अफिसमा राम्रो व्यापार गर्न सफल भएका चलचित्रमा पर्छन् ।

‘के घर के डेरा’ भने आगामी कार्तिक ४ गतेबाट प्रदर्शनमा आउँदैछ। यस् चलचित्रमा पनि वर्षा र विपिनको जोडीलाई देख्न सकिन्छ। यो चलचित्रबाट अन्य झै आफ्नो जोडी दर्शकले रुचाउनेमा विपिन र वर्षा आशावादी समेत छन् ।

भर्सटायल कलाकारको रुपमा चिनिने विपिन र वर्षाले विभिन्न विज्ञापनमा समेत संगै काम गरिसकेका छन् । उनीहरुले संगै गरेका कामहरु सफल समेत भएका छन् ।

यसर्थ, वर्षा र विपिनको जोडीलाई रिलमा फापेको र जमेको जोडी भनेर भन्दा फरल नपर्ला। एक अर्कालाई राम्रो साथी-साथी भन्न रुचाउने विपिन र वर्षा नेपाली चलचित्र क्षेत्रमा डिमान्डेड कलाकारमा पर्ने गर्छन् ।

अन्य नायिका भन्दा वर्षासंग काम गर्दा निकै सहज हुने विपिन बताउँछन् । त्यस्तै, विपिन एक सहयोगी र अब्बल कलाकार भएकोले काम संगै काम गर्दा निकै सहज हुने वर्षाको पनि भनाइ छ। (तस्वीर स्रोत : रमाइलो छ)