काठमाडौं : त्यसो त, विभिन्न कारणले गसिप एवम् ट्रोलको शिकार हुनु नेपाली कलाकारहरुको लागि कुनै नौलो कुरा होइन। विशेषगरी ट्रोलको सिकार बन्नेमा चलचित्र क्षेत्रका कलाकारहरु बढी पर्छन् ।

विभिन्न मिडियामा अन्तर्वार्ता दिनेक्रममा आफ्नो बोली चिप्लिएर ट्रोल बन्ने चलचित्र कलाकारहरु धेरै छन् । अन्तर्वार्तामा बोल्नेक्रमा बिचार नपुर्याउँदा धेरै कलाकारहरुले ट्रोल अनि गसिपको सामना गर्नुपरेको घटना त विगतमा यथावात नै छ।

यस्तै ट्रोलको सामना गर्नुपरेको अभिनेत्रीमा पर्छिन सुरक्षा पन्त। बोली चिप्लिएकै कारण ट्रोल बन्न पुगेको कुरा सुरक्षा आफै स्विकार्छिन पनि।

पहिले पहिले ट्रोल बन्दा दुख लाग्ने गरेको अनुभव सुरक्षा सुनाउछिन। तर आजभोलि भने ट्रोल बन्दा मज्जा आउने उनी बताउँछिन् ।

उनी भन्छिन्, ‘पहिला पहिला ट्रोल बन्दा ला.. ट्रोल बनिएछ भनेर नराम्रो लाग्थ्यो। तर अहिले भने ट्रोल बन्दा ए.. ट्रोल पो बन्यो ? ठिक छ् चील भन्ने लाग्छ।’

बौद्धिक अभिनेत्रीको रुपमा चिनिएकी सुरक्षाको यस्तो अभिव्यक्ति सुन्दा के सुरक्षा ट्रोलमा रमाउन सिकेकी हुन् त ? भन्ने प्रश्न उब्जिएको छ।

जे होस्, कलाकारहरुले आफ्ना हरेक क्रियाकलाप ध्यान पुर्याएर गरे भने न त गसिप बनिन्छ न त ट्रोल नै बनिन्छ। यसतर्फ ध्यान पुर्‍याउन कलाकारहरुलाई जरुरी छ।