काठमाडौं : सम्राट बस्नेत निर्देशित चलचित्र ‘लाखे’को आइटम गीत रिलिज गरिएको छ। आइतबार काठमाडौंमा एक कार्यक्रमको आयोजना गर्दै निर्माण टिमले ‘तिम्रो पिरेम’ बोलको आइटम गीत रिलिज गरेको हो।

गीतको भिडियोमा यस् चलचित्रका अभिनेताद्वय अनुपविक्रम शाही र आर्यन अधिकारी नृत्य गर्दै गरेको देखिएका छन् ।भने, सौगात मल्ल उनीहरुको गतिविधि निहालिरहेको देखिन्छ ।

भिडियोमा सुक्मीत तामाङ घिसिङले कम्मर मर्काएककी छन् । सौरभ लामाको छायांकन रहेको गीतलाई सन्देश शाहले सम्पादन गरेका हुन् ।

गीतमा हर्कुलस बस्नेत र सदिक्षा कट्टेलको आवाज सुन्न सकिन्छ। गीतको शब्द तथा संगीय भने हर्कुलसकै रहेको छ। पृष्ठभूमि गायनमा सुशान्त गौतम र रुप बहादुरले सघाएका छन् ।

चलचित्रमा सुजन प्रजापतिको छायांकन, कविराज गहतराजको कोरियोग्राफी, सम्राट बस्नेतको द्वन्द्व निर्देशन, अर्जुन जिसीको सम्पादन, आकाश बरालको पटकथा, अनुप न्यौपाने र आकाश बरालको संवाद लेखन रहेको छ ।

चलचित्र एक्सन, सस्पेन्स-थ्रिलर जनरामा निर्माण गरिएको निर्माण टिमले जनाएको छ । आगामी कार्तिक १८ गतेबाट प्रदर्शनमा आउन लागेको चलचित्रमा सौगात मल्ल, अनुप बिक्रम शाही, अर्पण थापा, आर्यन अधिकारी, वर्षा राउत, रोहित रुम्बा, संजोग राणा, सुशील सिटौला, प्रशान्त ताम्राकार, रक्षा बुढाथोकी लगायतका कलाकारको मुख्य भूमिका रहेको छ ।

त्यस्तै, सिजन अर्यालको कथा तथा निर्माण रहेको चलचित्रको निर्मातामा डिपी भण्डारी र गणेश मल्ल ठकुरी (जिएम) छन् भने कार्यकारी निर्माता हरि मल्ल ठकुरी हुन् ।