नेपालगन्ज : बहुप्रतिक्षित चलचित्र ‘हिजो आजका कुरा’ आज शुक्रबारबाट देशभर प्रदर्शनमा आएको छ। साकार पन्त निर्देशित यस् चलचित्रलाई लिएर दर्शक निकै उत्साहित थिए।
किनकी एकताका निकै रुचाइएको टेली सिरियल अब ठूलो पर्दामा आएको छ । अन्ततः दर्शकले यो चलचित्र अब हलमा हेर्न सक्नेछन् ।
विदेशिनुपर्ने बाध्यता अनि नेपालमा रहेका परिवारलाई परेको पिडाको कथालाई चलचित्रमा उठाइएको छ। चलचित्रका निर्माता सन्तोष पन्त हुन् ।
मानादेवी न्यौपानेको लेखन रहेको चलचित्रमा सन्तोष पन्त, ऋचा शर्मा, रमा थपलिया, देव्यदेव पन्त, रिमा विश्वकर्मा, स्वर्गीय जयनन्द लामा लगायतको समेत चलचित्रमा अभिनय रहेको छ।
त्यसो त, प्रिमियरमा पनि चलचित्रलाई मिश्रित प्रतिक्रिया मिलेको छ। अब दर्शकले कस्तो साथ र प्रतिक्रिया दिने हुन् त्यो त बाँकी नै छ।
