काठमाडौं : बाबरी फिल्म्सको ब्यानरमा निर्माण भएको चलचित्र ‘बाबरी’ आजबाट नेपालभर प्रदर्शनमा आएको छ। प्रदर्शन अगाडिनै सार्वजनिक भएका गीतहरुबाट चर्चा कमाएको चलचित्र अन्ततः आज शुक्रबारबाट दर्शकले हलमा हेर्न पाउनेछन् ।

त्रिकोणात्मक प्रेममा आउने उतारचढावको कथा उठाएको चलचित्रमा नायक धिरज मगर, नायिका अदिती बुढाथोकीको जोडी रहेको छ। त्यसो त, अदिती र धिरजका अलवा धिरन नादकर, बादल भक्त, कमलमणि नेपाल, उर्मिला बस्नेत, धुर्व कोइराला लगायतका कलाकारहरुको पनि चलचित्रमा अभिनय रहेको छ।

सुरेन्द्र पौडेल निर्देशित चलचित्रको कथा सिजन दाहाल, मनोह त्रिपाठी, रित बोहरा र किशोर नेपालले संयुक्त रुपमा लेखेका हुन् । निर्देशक पौडेल स्वयंले चलचित्रको सम्पादन गरेका छन् । चलचित्रलाई नरेन्द्र मैनालीले खिचेका हुन् ।

चलचित्रको डिजिटल राइट्स भने केन्द्र मोशन पिक्चर्सले लिएको छ। यस अघि रिलिज भएका चलचित्रका २ गीतलाई दर्शक स्रोताले निकै रुचाएका छन् । अब सिंगो चलचित्रलाई भने दर्शकको कत्तिको रुचाउलान त्यो त प्रतीक्षाको विषय बनेको छ।

किनकी यतिबेला हलमा चलचित्र ‘प्रेमगीत ३’को नेपाली र हिन्दी भर्सनले कब्जा लिरहेको छ। उता, बलिउडका दुई ठुला चलचित्र ‘विक्रम वेधा’ र ‘पिएस-वान’ पनि आज शुक्रबारबाटै प्रदर्शनमा आएका छन् । तर्सथ, दर्शकले ‘बाबरी’लाई साथ कत्तिको दिन्छन् भन्ने कुरा कौतुहल्ताको विषय पक्कै बनेको छ।