
नेपालगन्ज : शुक्रबारबाट नेपालगन्ज लगायत विश्वभर एकसाथ रिलिज भएको चलचित्र ‘प्रेमगीत ३’ लाई नेपालगन्जमा दर्शकको राम्रो साथ मिलेको छ। नेपालगन्ज स्थित क्युएफएक्स बागेश्वरी सिनेमाजमा शुक्रबार ७ शो दिइएको थियो।
पहिलो दिनका शो’हरु नै दर्शकको बाक्लो उपस्थितिमा खचाखच थिए। ७ शो’मा ५ शोहरु त हाउसफुलनै भए। चलचित्र हेरिसकेपछि अधिकांस दर्शकले सकारात्मक प्रतिक्रिया दिएका थिए।
धेरै दर्शकले चलचित्रक नायक प्रदीप खड्का र नायिका कृष्टिना गुरुङको अभिनयको तारिफ गरेका थिए। चलचित्रको छायांकन, लोकेशन अनि कथा गजब भएको दर्शकको भनाइ थियो। निर्माता तथा निर्देशक सन्तोष सेनको कामलाई पनि दर्शकले रुचाएका छन् ।
रिलिजको दोस्रो दिन शनिबार दर्शकको संख्या अत्याधिक रहन सक्ने आँकलन गरिएको हलका प्रबन्धक सन्जीव शाक्यले बताए। शनिबार नेपालगन्जमा ९ शो दिइने बताइएको छ।