नेपालगन्ज : बहुप्रतिक्षित चलचित्र ‘प्रेमगीत ३’ आज शुक्रबारबाट नेपाल लगायत विश्वभर एकसाथ प्रदर्शनमा आएको छ। रिलिज अगावै चर्चा कमाएको चलचित्र नेपालसंगै विदेशका अधिकांस हलहरुमा प्रदर्शन भइरहेको छ।
अधिकांस हलहरुमा ‘प्रेमगीत ३’ हाउसफुल छ। चलचित्रले राम्रो शो समेत पाएको छ। यसैबीच नेपालगन्जको क्युएफएक्स सिनेमाज बागेश्वरीमा पनि चलचित्रले ७ शो पाएको छ।
दिईएको ७ शो मध्ये लगभग प्रायः शो’हरु हाउसफुल छन् । नेपाली भर्सनसंगै हिन्दी भर्सन हेर्न चाहने दर्शक नेपालगन्जमा अधिक छन् । तर हिन्दी भने घटस्थापनाबाट मात्रै लाग्ने बताइएको छ।
जे होस्, चलचित्रले विश्वभरबाट पहिलो दिन आक्रमक व्यापार गर्ने निश्चित छ। सुपरस्टार प्रदीप खड्का र नव नायिका कृष्टिना गुरुङको जोडी कस्तो छ भन्ने कुरा आजबाट दर्शकले हलमा नियाल्ने छन् ।
निर्माता सन्तोष सेनद्वारा निर्मित यस् चलचित्रका अघिल्ला सिरिजहरु निकै सफल भएका थिए। यो सिरिज पनि सफल हुने पुर्ण विश्वास निर्माण टिमले गरेको छ।यस, चलचित्रलाई स्वर्गीय छेतेन गुरुङ र सन्तोष सेनले संयुक्त रुपमा निर्देशन गरेका हुन् ।
