काठमाडौं : कहिले थियटर आर्टिस्ट, कहिले सहायक निर्देशक त कहिले पुर्ण निर्देशकको भुमिका निर्वाह गर्दै संघर्षरत निर्देशक हुन् विशाल घिमिरे। पछिल्लो समयका सम्भावना बोकेका युवा निर्देशकको रुपमा पनि चिनिएका विशाल व्यस्त निर्देशक हुन् ।

प्रायः विशाललाई म्युजिक भिडियो सुटिङमै भेट्न सकिन्छ। कहिले निर्देशकको भुमिका निर्वाह गरेका हुन्छन त कहिले सहायक निर्देशकको भुमिका। जे होस् , कर्ममा लागिपर्ने विशाल निर्देशित म्युजिक भिडियोहरु पछिल्लो समय हप्तैपिच्छे रिलिज हुनेगरेका छन् ।

यसैबीच, विशाल निर्देशित अर्को नयाँ म्युजिक भिडियो रिलिज भएको छ। सोमबार रिलिज ‘सुन क मयालु’ बोलको म्युजिक भिडियोमा कलाकार अमित सुनार र गीत ढुंगाना फिचर्ड छन् ।

भिडियोमा समावेश गीतमा एचबिएन किस्मत र सपना घिमिरेको सुमधुर आवाज रहेको छ। गीतको शब्द अमित सुनारले लेखेका हुन् । मेलोडी र म्युजिक अरेन्जमेन्ट भने गायक किस्मतले नै गरेका छन् ।

गीत प्रेमिल छ। झट्ट सुन्दा अडियोमा नयाँपनको प्रयोग भएको आभाष हुन्छ। एचबिएन र सपनाको आवाज मेलोडियस सुनिएको छ गीतमा। सुन्दा कानलाई शितल दिन्छ अडियोले।

अब भिडियोकै कुरालाई अगाडि बढाउने हो भनेपनि गीतको अडियो जत्तिकै उत्कृष्ट बनेको छ भिडियो। गाउँघरमा हुने मौलिक विवाह, केटी माग्न जाने चलन, केटा केटी एकआपसमा लजाएर बोल्न नसक्ने जस्ता मौलिक कुराहरुलाई भिडियोमा देखाइएको छ।

त्यसो त, केटी हेर्न गएपछि उहीँ केटीलाई सम्झिएर कल्पनामा डुबेका गाउँले युवक र युवतीको बेग्लै प्रेमको कथालाई कलात्मक तरिकाले निर्देशक घिमिरेले भिडियोमा प्रस्तुत गरेका छन् । त्यसो त, जोडीको रुपमा फिचर्ड भएका अमित र गीताको जोडी पनि गजब छ भिडियोमा।

अमित र गीताको जोडी वास्तविक लाग्छ भिडियो हेर्दा। उनीहरुको जीवन्त अभिनय र गजबको केमिस्ट्रीले भिडियो हेर्ने दर्शकको ध्यान सुरुदेखि अन्तिमसम्म खिचेर राख्छ। भिडियोले एउटा चलचित्र हेरेझै आभाष गराउँछ।

हेर्दा आँखा शितल पनि हुन्छ। साँच्चिकै निर्माण टिमको निकै मिहेनत देखिन्छ भिडियोमा। गुल्मीको सुन्दर ग्रामीण भेगमा भिडियो खिचिएको छ। आकर्षक दृश्य सहितले भरिएको छ भिडियोलाई अनिल के मानन्धरले खिचेका हुन् ।

भिडियोमा अमित सुनारको परिकल्पना, सुनिल बिकको क्रियटिभ निर्देशन र नवीन घर्तीमगरको सम्पादन रहेको छ। भिडियो..